بكره التاج

طيب، بما اني بكره هاي القصص وبكره التاج الا اني فقط وفقط تماشيا مع رغبة انوس المنحوس رح على قلبي ادوس واحاول اني الف واحوس واجيب الكلام المدروس

مع العلم اني مش رح اطلب من حد يكتب التاج لاني اللي بعرفهم في عالم التدوين رح يمسحو الارض في لما يشوفوني كاتب التاج ::: كيف لو اطلب من حد منهم يكتبو ؟:::؟؟:؟:؟:؟

عشر اشياء عني دارك يعني انا

1- بكره التاجات // ليش // لاني بكره اني انحصر في زاوية محددة وانا لما اكتب عن اي موضوع ما بفكر اني لازم اكتب هيك او عن كذا .... كلا والف نعم .... الحكي بيجي لحالوز

2- غريب اطوار حسب مقاييس العالم المحيط والمجتمع اللي عايش فيه غصبن عن قرعة ابوي

3- لما اكون في البيت بحب اكون لحالي مع هدوء (هدوء يعني ما في ضجة مش هدوء جارتنا) تام انا بكسرو مثل ما بدي في الوقت الملائم.

4- عاطفي وحساس (الله يلعن ابو التاج) مع اوقات معينة من التمسحة مش مستعد فيها اشيل طفل من تحت سيارة

5- بحب الطبيعة والحيوانات الجبلية الجميلة خصوصا الغزلان بالذات لما يكون معي خرطوش الصيد

6- من اروع الاعمال اللي بحب اعملها (طبعا في المرتبة الثانية بعد النوم) اني اسوق السيارات بس في شوارع ترابية وفاضية

7- الحمد لله ملتزم اخلاقيا وعمري ما حطيت سيجارة في ثمي الا وانا سكران

8- ما بحكي كثير وما بحب اي حد يسألني، احيانا بمر علي اكثر من يومين بدون ما انطق ولا حرف

9- سطل مع البنات فايس تو فايس , بس عالمسنجر حوووت . عشان هيك لليوم انا سوبر عزابي يا عزابي

10- كريم (مش في المصاري بس) وبساعد الناس واللي بحبو نيال ربو بركبني وبدندل رجليه (بس لما اتعب بزتو وبوقع عليه)

11- مزاجي وبحكم عالامور من منطلق فوضوي ، بس طيب واهبل

ملاحظة : عزيزي القاري وال... واحد مسموحلك تختار 10 نقاط من المكتوبات ولكن على ان لا يكون هناك تناقض بين النقطة ونفسها